கௌதம் கார்த்திக் - ராகுல் பிரீத் நடிப்பில் உருவாகியிருக்கும் என்னமோ ஏதோ திரைப்படம் வருகிற மார்ச் மாதம் வெளியாகவிருப்பதாகச் செய்திகள்
வெளியாகியுள்ளன.
ரவி பிரசாத் புரொடக்சன்ஸ் தயாரிப்பில், ரவி தியாகராஜன் இயக்கியிருக்கும் புதிய திரைப்படம் என்னமோ ஏதோ. தெலுங்குப் படமான ஆல மொடலாய்ண்டி என்ற படத்தின் தமிழ் ரீமேக்கான இப்படத்திற்கு டி.இமான் இசையமைத்துள்ளார். இமான் இசையில் இப்படத்தின் பாடல்கள் ஏற்கெனவே மெஹா ஹிட்டடித்திருப்பது குறிப்பிடத்தக்கது. அத்துடன் இப்படத்தில் இடம்பெற்றுள்ள நீ என்ன பெரிய அப்பாடக்கரா பாடல் பெரும் வரவேற்பைப் பெற்றுள்ளது.
ஸ்ருதி ஹாசன் பாடியுள்ள ஷட் அப் யுவர் மௌத் மற்றும் மாற்றுத் திறனாளியான வைக்கம் விஜயலட்சுமி பாடியுள்ள ஒரு பாடலும் படத்தின் எதிர்பார்ப்பினைக் கூட்டிவருகின்றன.
இப்படம் வருகிற மார்ச் 28ல் வெளியாகலாம் என்று செய்திகள் வெளியாகியுள்ளன. கௌதம் கார்த்திக் தற்பொழுது வை ராஜா வை, சிப்பாய், நானும் ரௌடிதான் ஆகிய படங்களில் நடித்துவருகிறார்.
0 comments:
Post a Comment