ஒரு திரைப்படத்தின் வெற்றியில் அப்படத்தின் கதை, ஹீரோவிற்கு அடுத்தபடியாக முக்கிய இடம் வகிப்பது இசை. பெரும்பாலான பிரபல இயக்குனர்கள் தங்களின் படங்களுக்கு ஒன்று அல்லது இரண்டு இசையமைப்பாளர்களையே அணுகிவந்துள்ளனர்.
குறிப்பாக மணி ரத்னம் படங்களுக்கு இளையராஜா அல்லது ஏ.ஆர்.ரகுமான் தான் இசையமைத்துள்ளனர். பாடல்களும் மாபெரும் வெற்றிப் பாடல்களாகவும் உருவெடுக்கும். பாரதிராஜாவின் பெரும்பாலான படங்களுக்கு இளையராஜாதான் இசையமைத்துள்ளார்.
இயக்குனர் மகேந்திரன், பாலு மகேந்திரா போன்ற ஜாம்பவான்களின் படங்களிலும் இளையராஜா என்ற ஒரே இசையமைப்பாளர்தான் இன்றுவரையிலும் இசையமைத்துவருகிறார்.
இவ்வகையில் ஒரு இயக்குனருக்கும், இசையமைப்பாளருக்குமான நட்பானது மிக முக்கியமான ஒன்றாக இருந்துவருகிறது. அப்படி இரு நண்பர்களுக்கிடையே உருவாகும் பாடல்கள் மெஹா ஹிட்டாக அமைந்துவருவதும் குறிப்பிடத்தக்கது. இதே வரிசையில் கௌதம் வாசுதேவ் மேனனும் - ஹாரிஸ் ஜெயராஜும் இருந்துவந்தனர்.
ஆனால் கடந்த சில வருடங்களுக்கு முன்னர் கௌதம் மேனனுக்கும், ஹாரிஸ் ஜெயராஜுக்கும் ஏற்பட்ட பிரச்னை காரணமாக, இனிமேல் இருவரும் இணைந்து பணியாற்றப்போவதில்லை என்று அறிவித்திருந்தனர்.
கௌதம் மேனனும் அவர் இயக்கிய கடந்த சில படங்களுக்கு இசையமைக்க ஹாரிஸ் ஜெயராஜை அணுகவில்லை. ஆனால் இம்மாத இறுதியில் துவங்கவுள்ள தல அஜித் படத்திற்கு இசையமைக்க மீண்டும் ஹாரிஸ் ஜெயராஜை அணுகவுள்ளதாகக் கிசுகிசுக்கள் வெளியாகியுள்ளன.
இதனைப் பற்றி ஹாரிஸ் ஜெயராஜிடம் கேட்கப்பட்டதாகவும், அவர் கௌதம் மேனன் படங்களுக்கு இசையமைக்கும் விருப்பம் தனக்கு இல்லையென்றும் கூறியதாக வதந்திகள் பரவிவருகின்றன.
கௌதம் மேனன் - தல அஜித் இணையவுள்ள புதிய படத்திற்கு அனிருத் அல்லது ஏ.ஆர்.ரகுமான் இசையமைக்கலாம் என்று ஏற்கெனவே பேசப்பட்டுவந்த நிலையில்தான், ஹாரிஸ் ஜெயராஜ் இசையமைக்கவிருப்பதாகவும் ஒருதரப்பினர் கூறினர்.
இப்பொழுது எது உண்மை, எது பொய் என்று அறியமுடியாத சூழல் நிலவிவருகிறது. விரைவில் தல படத்தின் இசையமைப்பாளர் யார் என்று அறிய ரசிகர்கள் எதிர்பார்த்துவருகின்றனர்.
0 comments:
Post a Comment